กรุงเทพมหานคร - วาปีปทุม ประหยัดทัวร์ ม4ข นิ่มนวล
 

สบายดีเจ้า มึนี้ข้าเจ้าได้เดินทางตาม โครงการส่งลาวน้อยกลับบ้านที่ราบสูง ปิดเทอมแล้วเด้ 555
โดย บริษัท ประหยัดทัวร์ เส้นทาง กรุงเทพ - วาปี
แต่บ่ลงวาปี ลงพยัคฆ์
เป็นจังได๋เซินพ่อแม่พี่ป้าน้าอา ซมได้เลยเจ้า


:p

ตอนเซ้าข่อยขี่เท็กซี่มาหมอซิต 2 แล้วกะไปเซ็กอินอยู่หม่องเคาเต้อก่อนเลย
ซ่อง 42 ประหยัดทัวร์
เที่ยนี้เป็นเที่ยแรกที่ข่อยขี่ประหยัดทัวร์
ฮ้าก่อนกะนั่งแต่พรทวี มาบาดนี้อยากลองประหยัดเบิ่ง

พอไปเซ็กอินกะได้ปี้แบบนี้มา ราคา 331 บาท แลเบิ่งโลวคลาสกว่าพรทวีอยู่ แต่บ่แม่นปัญหาใหญ่
รถออก 8.00 โมงเซ้า

จากนั้นกะย่างไปขึ้นรถผ่านขัวข้ามอาคารนี้

เอ้าเลย ข่อยกะอยากเบิ่งนำ ซะ ละ ล่า
:o

;) สุดยอดเลย นั่งรถตอนเช้า ลงรีวิวเลย แจ่มๆๆ

:emo_toon07: :emo_toon07: :emo_toon07:

ก่อนทิสิไปบ่อนจอดรถ ข่อยกะขอส่องเบิ่งวิวจักกะหน่อยแหน่

อันว่าใกล้เวลารถสิออก ข่อยกะเลยแล่นมาขึ้นรถ
ปรากฏว่าอ้ายเพิ่นกะเอารถมาจอดรอเรียบร้อยแม่ใหญ่สอน แล้ว

แล้วข่อยกะย่างมาที่หน้ารถ
อ้ายผู้นี้ล่ะ สิพาข่อยกับบ้าน

ขึ้นมาเทิงรถ กะพบกับสภาพเบาะที่ใหม่เอี่ยม
สะอาดสะอ้าน น่าหย่อนดากลงนั่งสุดๆ

นั่งได้บ่โดน เอื้อยพนักงานกะเอา เวรกรรมดริ้ง ฮ่วย บ่แม้น เขาเอิ่น เวลคัมดริ้ง มาเสิบ

เหลียวลงพื้น กะสะอาดสะอ้าน ขาวจู่นพู้น ข่อยเห็นแล้วอยากเอาสาดลงไปปูนอน

เหลียวเบิ่งลำโพงเพิ่นกะดอกบักใหญ่ กำลังเปิดหมอลำอย่างม่วนซื่น

เหลียวออกนอกหน้าต่าง เห็นสามีภรรยาฝรั่งกำลังรอรถ
สมัยนี้รถทัวร์ไทยพัฒนาอย่างคัก ผู้ได๋กะอยากไซ้บริการแม่นบ่:)

เวลา 8:15 รถทัวร์กะได้ถอยหลังออกจากหมอซิต 2
ล้าซ้ากว่ากำหนด 15 นาที คน 18 คน พะนะ ได้ยินอ้ายคนนับเว้า
ข่อยกะเลยได้นั่งผู้เดียวกับกระเป๋า แบบซิวๆ:?

ลาแล้วบางกอก


ขึ้นทางด่วนเลย

ตอนนั้นกะเปิดเพลงที่เข้ากับบรรยากาศ

นั่งเบิ่งวิวไป

เห็นเครื่องบินลอยอิโหล่งๆ แสดงว่าเข้าใกล้สนามบินดอนเมืองแล้ว

ข่อยเป็นคนที่มักเครื่องบินหลายๆ
เลยถ่ายมามากมายเลย


A340-600 มาเฮ็ดหยังอยู่นี้

ตอนแรกข่อยว่าสิกลับด้วยนกแอร์ แต่ว่าต้องไปลงสตึก บุรีรัมย์
แถมเครื่องบินเป็นเครื่องลำน้อยๆข่อนล่อน
แถมได้ยินข่าวพายุสิเข้าอีก เป็นตาย่านเอาฮ้าย
เลยกลับรถบัสนี้ล่ะ
ที่สำคัญ เก็บเงินไว้ขี่รถบัสได้อีกหลายเที่ยว 5555

เห็นแอร์เอเซียลำใหม่นำ ลายกะใหม่ แต่หัวขาด fight

จากนั้นก็นั่งเบิ่งเครื่องบินลง

บ่โดน รถก็แล่นไปฮอดวังน้อย



ตามด้วยแถวๆเขาใหญ่


นั่งเบิ่งวิวแบบบ่หัวซาชาวบ้าน:emo_toon08:

ประมาณตอนเที่ยง รถก็มาฮอด ศูนย์อาหารของประหยัดทัวร์
ต้องขอบอกว่า คนหลายอีหลี หลายบักคัก
เพราะว่ารถขาไป กับขามา มาโฮมกันเวลานี้
แต่ว่ารูปนี้ถ่ายตอนบ่ค่อยมีคน

จอดรอผู้โดยสารรับประทานอาหาร


รถที่ข่อยโดยสารมากำลังกินน้ำมันคือกันกับคนกินข้าว


เหลียวไปรอบๆ



มีหนังสือให้อ่านด้วยเด้อ

เติมน้ำมันแล้ว ถอยออกมาแล้ว:emo_toon24:

ช่วงท้าย


ช่วงข้าง

ตอนแรกนึกว่ารถสิจอด จังได๋ขับเข้าอู่หายไปกว่า 20 นาที
ผู้โดยสารเลยมาซื้อเลขซะเลย

ระว่างรอรถก็พบกับ บัวขาว

รถคันอื่นๆเริ่มออกไปแล้ว เหลือแต่หมู่เฮา:confused:

มีป้ายประชาสัมพันธ์ห้อยอยู่

สุดท้ายก็ได้ออกเป็นคันสุดท้าย

ใกล้ฮอดบ้านแล้ว
:emo_toon24:

สุดท้ายก็ฮอดบ้านโดยสวัสดิภาพ

สรุปแล้ว เที่ยวนี้ รถดี สะอาด แอร์เย็นดี ขับดี นุ่มนวล บ่มีเบรคแบบหัวทิ่มหัวตำ
มีเปิดหนังให้เบิ่ง คุ้มค่าเงิน

สำหรับข่อยกะเป็นสมาชิกใหม่ ก็ขอฝากเนื้อฝากตัวกับพี่ๆด้วย
ถ้ามีข้อผิดพลาดหรือตกหล่นในส่วนใด ก็ขอคำติซมแนะนำด้วยเจ้า ขอบคุณที่ติดตามเจ้า
;)

ขอบคุณสำหรับรูปถ่ายสวย ๆ ช่วยแจ้งรายละเอียดของเส้นทางและจุดจอดด้วยครับ เผื่อเป็นอีกหนึ่งทางเลือกของการเดินทาง ขอบคุณล่วงหน้าครับ

;) ขอบคุณรีวิวสวยๆที่นำมาให้ชมนะครับ

เสียดาย บ่ฮอดวาปี ฯ บ้านพ่อใหญ่ เดี๋ยวนี้วาปี รถหลายคัก ทั้ง พุทไธสงทัวร์ ภัสสรชัย ประหยัด และ 999 คนวาปี ฯ เงินหลาย เดินทางกันทุกวัน ขึ้น -ลง กทม. ไผ ๆ กะอยากมาแล่นรถ :emo_toon07: